-
Deodan Benedicto
KARUNUNGA’Y IPAALAM
Sariling karununga’y alamin,
Sa wasto ay gamitin,
Para muling buksan at ilawan,
Ang kinulong sa kadiliman,
Sigaw ng pilipino’y wika ng karunungan,
Atin ng umpisahang pahalagahan,
Sapagkat may sapat ng kaalaman,
Na kailanman’y hindi mapapalitan,
Wika ng isang bansa’y walang kapantay,
Dahil karununga’y dito nakaugnay,
Kaya’t gamitin sa tama at pantay,
Para bansa’y muling bumangon sa pagkamatay,
Wikang Filipino na siyang bigkas,
Para sa lahat ng oras,
Sapagkat ito ang ating landas,
Na magpapatuloy ng bukas,
Ating tangkilikin wikang Filipino,
Bagkus, ito’y pamana ng ating mga ninuno,
Kaya mahalin natin ng buong puso,
At ipagmalaki na tayo’y katutubong Pilipino.
-
Kimberly Bernales
“Forever sa wikang Filipino”
Naaalala mo pa ba ang wikang Filipino?
O, kinalimutan mo na rin tulad ng paglimot mo sa samahan niyo?
Ang wikang minsa’y bumuo sa iyong pagkatao
Na buhat pa sa angkan ng iyong lola at lolo
Nang iluwal ka ng iyong ina sa mundong ito
Wikang filipino ang ibinati niya sa iyo
Naaninag agad sa’yong mukha, na tunay ka ngang Pilipino
Subalit bakit ganoon, ikaw ngayo’y nagbago?
“Mama” at “Papa” ang mga salitang unang nasambit mo
Hindi ba’t iyan din ay wikang Filipino?
Sa t’wing tinatawag ka ng mas nakatatanda sayo
Sagot mo’y “po” at “opo” na simbolo ng paggalang nating mga Pilipino.
Pumasok ka sa skwela para matuto
Tagalog, Bisaya, Ilonggo, Ilokano ang mga linggwaheng gamit niyo
Iba-iba man ang kahulugan nito
Nagmula pa rin yan sa wikang Filipino.
Pumunta ka sa isang dayuhang bansa bilang isang Pilipino
Lumipas ang ilang araw, buwan, taon at edad mo
Nagmature ka at nag-iba ng husto
Kasama ba rito ang pag-iba ng wikang gamit mo?
Umuwi ka sa Pinas dala ang mga imported bags na bili mo
“Mom? Dad? I’m here. ” wika mo
Tila nag-iba na yata ang dating nakasanayan mo?
Yan ba ang salita ng bansang pinuntahan mo?
Di ka pinabayaan ng magulang mo
Muling itinuro sayo ang kahalagahan ng wikang Filipino
Ikaw ngayo’y namulat na sa totoong mundo
Na ang tunay na karunungan ng Pilipino, nagmula at magtatapos sa wikang Filipino
Ang karunungang dala ng wikang ito
Ay mananatili gumuho man ang mundo
Pakisabi sa mga taong sawi ang puso
Na may forever, sa piling ng wikang Filipino.
-
Nebit,9A
Wikang Kinalakhan
Marami ng henerasyon ang pinagdaanan ng ating wika
Marami ring banyagang ginapi,inalipusta ang gamit nating salita
Unti-unting nabubura sa kasaysayan itong wika ng karunungan
Dahil ang mga kabataan Ingles ang pinag-aaralan
Kinalimutan na natin itong,wikang pasali-salin
Na nag mula pa sa kanunu-nunuan natin
Di ba ninyo alam maraming pilipino ang nag buwis ng kanilang buhay
Para masalba lang itong wika,na talaga namang napakakulay
Bakit ganito?nawalan na ng saysay
At sa ibang lenggwahe tayo ay nasanay
Matagal ng nakalibing pero hindi naman patay
Halina’t bungkalin natin ibangon mula sa hukay
Tayo’y mag kaisa sa wika ng filipino
Tularan natin si huseng sisiw at francisco
Hindi man tayo makata sana itrato natin ng tama
Itong pinakamamahal at nag-iisang wika
Muli nating buhayin ang wika ng ating inang bayan
Muli nating ibalik kinang ng perlas ng silangan
Muli nating mahalin,tangkilikin wika ng karunungan
Taas noo nating ipagsigawan,”mahal natin wikang kinalakihan”
-
Trishia Castañeda
“Sa WIKA pinadama”.
Ako’y nalulungkot, nagdaramdam
Sa mga pangyayaring di inaasam
Kay sakit balikan
Ngunit ika’y pilit kinakalimutan
Maraming pagod ang sinayang
Maraming saya ang diniwang
Kay daling binitawan
Ako’y pinili mong saktan
Parang kailan lang no’ng tayo’y nagkasama
Pero bakit ngayon iniiwasan ang isa’t-isa
Batid ko ang pait at sakit
Kita ang puot sa mga ngiti kong pilit
Naalala ko pa ang panahong iyon
Sinuyo,binigyan ng tsokolateng nakakahon
Lumubog man ako at tangayin ng alon
Hayaan mo,ako’y muling babangon
Ngayon lang ako nagising
Wala kana pala sa aking piling
Gabay ka sa pagsulat
Habang mata’y nakamulat
Wika kitang tinuringan
At lubos pang pinahalagahan
Kailanman ay nirespeto
At minahal ng totoo
Sa wika ko pinaabot
Mga ugaling nilulumot
Masama man sa mata ng tao
Ni minsa’y di nagbalat-kayo
Kay dami mong dahilan upang ako’y bitawan
Pinatay mo ako ng dahan-dahan
Pasasaan ri’y di na kita makikita
Kasama ng puso kong malayang malaya
Wika ang naging sandigan
Labanan lahat ng pusong sinugatan
Masigla akong nakatayo
Inspirado at buong buo
Sana’y noon pa’y di kana nakilala
Ligtas sana ako sa pasakit mong dala
Hayaan ko na nga at tapos na
Pag-ibig ay sa wika nalang ipadarama.
-
Joza Louise Resurreccion
Pinoy tayo! Panalo sa kahit ano
Pinoy ako pinoy tayo
Ipakita sa mundo
Kung ano ang kaya mo
Sa ano mang larangan
Mapa isports man, musika at ano man
Tiyak mapapasigaw ka!
Mahusay! Kakaiba!
Laging umaangat pagkat tayo ang BIDA!
Sa una pa lamang
Inyo nang makikita
Na tayong mga Pilipino ay puno ng talento
Kaya tara! Ipagmalaki natin ito!
Dalahin man sa ibang bansa
Makalaban man ang mga banyaga
Sa huli anong nangyari?
Pilipino ang nag wagi!
Pagdating sa tagisan ng talino
Aba lamang tayong mga Pilipino
Likas na mananalo
Kaya ipagmalaki ito!
Sa mga dayuhan na dumayo rito
Nabighani nga ba ito, kanino?
Sa mga magagandang tanawin
O pati na rin sa wika at kultura natin
Kaya tayong mga Pilipino
Gamitin! Ang sariling wika natin!
Huwag ikahiya!
Ito ay pagyamanin!
-
Shanine Panaguiton
“Pahalagahan ang Sariling Wika”
Wikang Filipino ating gamitin
Huwag sana nating abusuhin
Gamitin sa maayos na paraan
Para tayo ay may karunungan.
Maraming Filipino sa ating bansa
Para sa kanila wala ng halaga ang ating wika
Dahil nakatira na sa ibang bansa
At pag uwi Ingles ang sinasalita.
Wika ng karunungan sigaw ng ating bayan
Dapat nating pahalagahan at alagaan
Para tayo ay maging isang tunay na Filipino
At dala-dala natin kahit saan mang sulok ng mundo.
Wika ng karunungan huwag nating kalimutan
Mahalin at panindigan
Sa anu mang karahasan na darating sa ating bayan
Kailangan nating ipaglaban.
-
Hazel Ruth Juanico
FILIPINO:WIKA NG KARUNUNGAN
Ano nga ba ang dahilan?
Ba’t ngayon tayo’y nagkakaunawaan.
Dahil ba sa ating kakayahan?
O sa wikang nagmula mismo sa ating bayan?
Filipino,ano nga ba ito?
Dekorasyon?Pagkain?Aksesorya?
Maaaring ito ang na isip mo,
Ngunit mali ka!dahil ito ang pagkakakilanlan ng ating pagkatao.
Sa araw-araw ito’y ginagamit,
Sa ating bibig laging sinasambit.
Nakangiting hindi mapait,
Ni walang halong panlalait.
Ingles nga ang iba,
Ngunit maunlad ba sila?
Oo,Pilipino tayo kung tawagin,
Pero hadlang ba to para pangarap nati’y abutin?
Tayo’y hindi banyaga,
Kaya sa ingles ‘wag tayo masyadong humanga.
Hindi rin naman ito ang batayan,
Upang umasenso ang ating bayan.
Sa lahat ng aspeto,
Magagamit ang kaalaman ng isang Pilipino.
Sa kompetisyon ri’y di papatalo,
Maiuwi lang ang medalyang gusto nito
Pilipino ang magiging instrumento,
Para mas umunlad ang wikang Filipino.
Kaya’t ano pang hinihintay mo?
Halika ka!Sama-sama tayo rito.
FiILIPINO! ito ang wika ng karunungan
Dahil puno ito ng kaalaman
Na sa ating mga Pilipino nakalaan,
Ngayon at magpakainlanman.
-
Lester John Estolonio
Dakilang Natatangi
Sa mga piling salita, kagalakan sa ating wika’y ilalathala
Nang buong puso’y akin itong ibabantala
Ako’y isang Pinoy na may sariling wika
Na kailangang linangin, bigyan ng pangangalaga
Tila pinitas na bunga, ang wika nating pinagmulan
Hitik sa kaalaman, punong puno ng karunungan
Parang gayumang nagpapaibig sa mga dayuhan
Karunungang pinoy, Ikaw ang pinagmulan
Wikang Filipino’y, di ko lubos maunawaan
Talinhagang malalalim, aral ay tiyak na kapupulutan
Mga istoryang nagmula sa iba’t ibang bayan
Halina’t ipagmalaki, gawang Pinoy yan!
Hindi maikakailang, wikang Filipino’y di kumukupas
Ito’y natatangi, tulad ng pag-ibig na wagas
Tunay ngang wikang Filipino’y dakila
Na minsan nang nagsilbing paraan, upang tayo’y maging malaya.
-
Kythlyn Mile Samonte
Wika, Nasaan Ka Na?
Wika, ano ka ba talaga?
Aapat lamang na titik
Talagang kay ikli mo pala
Nawawalan na ako ng gana
Hahanapin pa ba kita?
Mga bata’y di na sa’yo ang pansin
Pati nga ako’y nakikigaya na rin
Sabi nila, mahalin ko raw ang sariling atin
Narinig ko na naman!
Ngunit bakit kailangang ulit-ulitin?
Natuto na akong tumambay sa kanto
Kaliwa’t kanan na rin ang bisyo
Sumingit pa nga ‘tong tropa ko
Nakakairita, eh ang tanong lang pala,
Kung may sobra pa ba akong sigarilyo
Dati rati’y , laganap ang ‘yong kasikatan
Naririnig kita sa kaliwa man o kanan
Kasali pa nga ako dati sa paligsahan
Tanda ko’y napalitan na raw ng “fliptop” ang sinalihan kong balagtasan
Mabilisang tagisan pa talaga noon at patalinuhan
Marami talagang alaala ang dala mo, Wika
Tanda ko pa noon, sumulat lang ako nang sumulat
Napuno ang kuwaderno ko na hindi ko alintana
Puro mga salitang nagtutugma ang makikita
At naaalala kong, lahat ‘yon ay aking mga tula
Inaanay na ata lahat ng plumang di ko pa nagamit
Nasayang lang ang mga tintang dapat ay aking ipinangguhit
Mga gawa ko dati ay nasira at napunit
‘Di ko man lang naisipang ingatan, kahit medyo maliit
Nang sa aking dingding ay maisabit
Wika, nasaan ka na?
Pag gising ko isang araw, ika’y biglang wala na
Babalik ka pa ba?
Sana nama’y oo
Dahil ako’y patuloy na umaasa
Teka! Sandali nga!
Hindi ka mawawala kung hindi kita binalewala
‘Di ka magiging singliit ng asin,
Kung ika’y binigyan ko ng pansin
Ang laking tanga ko pala kung iisipin!
Tanong ako nang tanong sa iba,
Kung nasaan ka ba nagtungo?
Hindi ka naman pala talaga naglaho
Nariyan ka lang, nagmamasid sa’min
Hindi ka nawala, narito ka lang sa aming puso’t damdamin.
-Ph.D
-
Is Nai Kim
Gamitin at Mahalin ang Wikang Filipino
Ako ay kabataang alisto at masigla
At mahusay daw ako ,yun ang sabi nila
a Wikang Filipino ay sadyang bihasa
At laging panlaban sa Wikang Filipino
Huwag nating kalimutan ang Inang Wika
Atin ng gamitin at huwag ikahiya
Sa Inang Wikang mahal ng bayan kong sinisinta
May iba-ibang wikain man,ngunit diwa ay iisa
Kung iyong ingatan at pagyamanin ang Wikang Filipino
Daig mo pa ang edukado
Ngunit kung sa Wikang Filipino
ay walang pakialam at walang respeto
Daig mo pa ang palaboy na aso
Nawa’y napukaw ko ang puso’t isipan nyo,
marangal na damdamin
Inang Wikang Filipino nararapat linangin
Sana,kayo,tayong lahat ay mabuklod sa banal na layunin
Wikang Pambansang Filipino ay gamitin at mahalin
-
Rizz Andrea
Filipino na Aking Mahal
Ang wikang dapat pagyamanin
Ang wikang kinagisnan natin
Filipino na dapat pahalagahan at gamitin
Na akin din namang inihahabilin
Hangaring hinding hindi iwawaglit
Pagpapahayag ko bawat saglit
Damdamin kong sumasambit
Wika na ‘di dapat minamaliit
Sa dinami raming wika sa mundo
Tanging nangingibabaw ang wikang Filipino
Maipagmamalaki sa lahat ng tao
Higit sa lahat sa aking puso
Damdamin ko na laging humihirit
Tila ba’y nagpapahiwatig
Filipino na laging niluluwalhati
Karunungang hindi mapapatid
Nagmula sa inang bayan
Sa malayong silanganan
Wikang Filipino na ‘di mapapantayan
Madadatnan ng may karunungan
Wika ng karunungan na minamahal
Mula kaibuturan ng puso kong mapagmahal
Magpakailanma’y hindi mabubuwal
Wikang Filipino na aking mahal.
-
Aowen Carbonell
YAMAN
Ating wika ay tunay na kayamanan
Wagas na pagmamahal ay ating kailangan
Gamitin natin ito sa tamang paraan
Wikang Filipino ating pahalagahan
Tayo ay may kaalaman
Sa wikang ating kinalakihan
Ito’y paraan ng pakikipag-ugnayan
At magsilbing tulay sa kabihasnan at kaunlaran
Bilang simbolo ng pagka Pilipino
Mahalin natin ang Wikang Filipino
Sapagkat pinagbuklod-buklod tayo
Sa hangaring uunlad nang lalo
Makarating man tayo sa ibang bansa
Dalhin natin ang ating wika
Huwag nating ikahiya
Ipakita ang pagiging Pilipino sa isip , gawa at salita
-
Ella Marie Alarcon
Instrumento Ng Karunungan
-vanElla_yEma13
Bayang aking sinilangan
Ipinagmamalaki ko kaninuman
Pagkakaiba sa lahat ng bagay ay ‘di maiiwasan
Ngunit namumukod tangi naman ang ipinapakitang katangian.
Wika ko’y walang katulad
Wika ng ibang bansa’y ‘di maihahalintulad
Ito ay nag-iisa, Ito ay naiiba
Wikang Filipino, isinasapuso’t diwa.
Kung sa iba, tingin nila’y nagdadala lamang ito ng kahihiyan,
Para sa akin, dala nito’y karunungan.
Kaalamang taglay nito ay ‘di maituturo ng ibang tao,
Sapagkat ito’y nagmumula sa ating mga puso.
Katayuan sa buhay ay hindi batayan.
Ang mahalaga ay napapaunlad mo ang iyong karunungan.
Hayaan mong kutyain ka man ng lipunan.
Ang mahalaga, alam mo sa sarili mo na wala kang nasasaktan o naaapakan.
Ano mang balakid ay kayang lagpasan. Ano mang hamon ay kayang solusyonan.
Ipakita natin sa buong mundo
Na ang mga Pilipino ay dapat nirerespeto.
Hindi man tayo sagana sa materyal na bagay,
Hindi naman mapapantayan ang ating karunungang taglay.
Wikang Filipino na ating kinagisnan,
Ang siyang magbibigay sa atin ng sapat na karunungan na magdadala sa atin tungo sa magandang kinabukasan.
-
Cristine Angela Tandoy
WIKA NATIN PAGYAMANIN MAHALIN
Wikang Filipino ating pagyamanin,
Pananalitang sarili ng bayan natin.
Gamitin ng maayos, mabuti at magalang,
Saan mang daku ng mundo ating pahalagahan.
Ingatan at ipagmalaki ang wikang Filipino,
Sapagkat ito ang dahilan ng pag-uunawaan ng bawat Pilipino.
Nanggaling man tayo sa iba’t ibang tribu,
Sa wikang Filipino tayo’y nagkakasundu-sundo.
Wikang pambansa ay ating mahalin,
Paggalang at pagpapapahalaga ay laging isapuso natin.
Lahat ng daku ng mundo atin mang marating,
Kaisa-isang wikang sarili natin, huwag na huwag lilimutin.
Kapwa ko Pilipino tayo’y magkaisa,
Bansang Pilipinas marangal dakila
Ipagsigawan natin ipagmalaki’t ipagbunyi
Wikang Filipino minamahal, ginigiliw, sinisinta.
-
Ivan Reyes
Wikang Filipino at Pagiging Pilipino
WIKA ANG TULAY NG KOMUNIKASYON
KUNG SAAN MAY PAGKAUNAWAAN SA ISANG NASYON
DAYALEKTONG NAKASANAYAN WAG IBAON
SAAN KA MANG LUGAR MAPAROON
HIDWAAN AT DI PAGKAUNAWAAN
WIKANG FILIPINO ANG SIYANG DAAN
UPANG KAPAYAPAAN AT KAUNLARAN
MAKAMTAN NG ATING MAHAL NA BAYAN
WIKANG PILIPINO AT PAGKAPILIPINO IPINAGSISIGAWAN KO
KAHIT SAAN MAN AKONG LUPALOP NG MUNDO
DAHIL DITO KARUNUNGAN AY MATAMO
KAYA IKAW, AKO TAYO IPAGMALAKING TAYO’Y FILIPINO
TAONG WIKANG FILIPINO ANG GINAGAMIT
LAHAT NG MITHIIN KANYANG MAKAMIT
KAHIT KALABAN AY PAGSUBOK NA MAHIGPIT
KAYANG LAMPASAN KAHIT GAANO KALUPIT
ANG TUNAY NA PILIPINO
HIDI IKINAHIHIYA KUNG ANO MERON TAYO
KAYA AKO’Y SUMASALUDO
SA PILIPINONG TOTOO
PARA SA AKING SUHESTIYON
WIKANG FILIPINO MULING IBANGON
WIKA NG MGA BANYAGA’Y DAPAT ITAPON
PAGHAHANDA SA BAGONG HENERASYON
TAYO AY NASA ISANG BANSA
NAKASALUDO SA IISANG BANDILA
GAMIT ANG IISANG WIKA
WIKANG PAMBANSA HINDI SA MGA BANYAGA
PARA SA PILIPINONG MAMAMAYAN
ANG AKING HULING BANAT AY PAKINNGAN
PARA SA PAGIGING MAKABAYAN
GAMITIN NANG LAHAT ANG WIKA NG KARUNUNGAN
-
Yanna Nimez
Wika ng Karunungang FILIPINO
Wikang Tagalog ating ginagamit na mahigit sa isang libong taon.
Araw-araw ito’y dala-dala at baon-baon.
Ngunit bakit tila sa paglipas ng mahabang panahon
Wikang Filipino’y unti-unting nawawala’t bumabaon.
Bata’t Matanda ito’y bigyang halaga.
Huwag sa wika ng dayuhang banyaga humanga.
Sana’y tangkilikin ang ating sariling wika,
Sapagkat ito’y hindi sa’tin iba.
Sariling wika’y gamitin sa tamang paraan.
Huwag sa kayarantaduhan.
Wikang Filipino’y kailangang isapuso’t isabuhay,
Bunutin ito sa sariling hukay.
Bayang tinubuan,
Perlas ng Silanganan.
Gamitin sariling diyalekto,
Tawagin nating Wika ng Karunungang Filipino
Wikang Filipino, Wika ng Tahanan
Ni: Christine L. Siguano ABM
Ito ang wika na aking kinamulatan
Turo ng aking Inang sa aki’y nagsilang
Hanggang aking labi ay natutong magbigkas
Sa paggamit ng wika’y naging matatas
Nang ako’y nag-aral, ako’y natutuwa
Bakit tila yata ang daming wika
Ako’y humanga sa wikang nalaman
Wikang Filipino, Wika ng ating bayan
Di naglao’y wikang Ingles natutuhan na rin
Nagmula sa wikang Filipino, ito’y isinasalin
Bawat salita, itinuturo nang unti-unti
“Yes” ang oo, “No” ang hindi, “Right” ang tama, “Wrong” ang mali
Gusto ko lang linawin, diba’t ito’y Pilipinas?
Bakit pati ba sa wikang Ingles dapat ay matatas?
Kung tayo ay mga Pilipino bakit pa kailangan
Na ang wikang banyaga ay ating matutuhan?
Tugon nila’y lubos itong nakatutulong
Kung wikang panlahat, tayo ay marunong
Pagkat mga banyaga’y dadayuhin ang ating bayan
Negosyo’t Pagpasyal nila’y isa sa susi ng kaunlaran
Makapagpaunlad man sa ating bayan ang Ingles
Wikang Filipino pa rin ang sa atin ay nagbihis
Pagkat sa paaralan, upang mag-aaral ay matuto
Mula wikang Ingles, sinasalin sa wikang Filipino
Hindi masama ang matuto ng wikang banyaga
Basta’t sariling atin ay huwag ipagsawalang-bahala
Dahil isa ito sa mahalagang pagkakakilanlan
Ng bansang masagana na dati’y ipinaglaban
Kung lahat tayo’y di gugustuhing darating ang panahon
Wikang ito’y di maaabutan ng susunod na henerasyon
Kaya’t wikang sanhi ng pagkakaintindiha’y ingatan
Ang kinagisnang wikang Filipino, wika ng tahanan
-
Altaine Ceship
Filipino, Ating Wika
Filipino, sariling wika ng ating bayan,
Mayroong mga salitang may kabuluhan,
Gamitin sa katalinuhan, sa karunungan,
Nang maging tama at wasto ang kahihinatnan.
Sabi nga nila, hindi naman nagging masama,
Matutunan ang mga wika ng ibang bansa,
Bagkus ang sariling atin ay mas mahalaga,
Gaya ng Tagalog o Bisaya, alam mo ba?
Kahalagahan ang wika sa panahon natin,
Pang-komunikasyon, bigkasin man o sulatin,
Pag-ibig sa bayan, sa wika, ay uunahin,
Panigurado ay hindi ka pa lilisanin.
-
Stephanie Curry Lim
Wikang Filipino ay nasa puso ng bawat Pilipino
Wikang Filipino ay ang ating karunungan
Na nagtataglay ng lahat ng katuruan
Na dapat ay pinapahalagahan
Sapagkat ito’y may kabuluhan
Atin nang ipagmalaki ang wikang katutubo
Sapagkat sumasalamin ito
Sa ating pagkatao
At pagiging tunay na Pilipino
Ngunit batay sa aking mga nakikita
Katutubong wika ay binabalewala
Wika ng dayuha’y kanilang minamahalaga
Sumusunod sa katuruan ng mga banyaga
Hiling ko sana’y kanilang mapagtanto
Na ang wikang Filipino
Na syang ipinamana pa ng mga ninuno
Ay nasa puso ng bawat Pilipino
-
Darlene Lu
Wika ng Ating Pagkatao
Dugong dala nati’y
Simulat sapul ay mana
Ngunit kung sino tayo’y ating nilimot
Wika’y umugnay, bumuklod!
Wika’y siyang naglilok
Sa’ting pagkatao!
Ating wika’y naging daan
Upang kalayaan ay makamtan
Sa dilim sa ati’y komupkop.
Sa literaturang gawa ng mga makata
Inangat, kalooban ng ating mandirigma,
Gumising sa’ting isip, sa yaring sitwasyon.
Filipino yaring buha’t wika,
Hindi kailanman natumbasan ng mga banyaga
Humayo kayo mga kapwa makata
Pantayan natin ang iba
At kailanma’y huwag magtaksil
Sa ating tunay na pagkatao!
Pantay-pantay tayong lahat
Ngunit sa’ting puso’y,
Wikang filipinong makatarungan angat
Pagyamanin at alagaan,
Ang wika ng karunungan
Na sana’y di tuluyang ating malimot!
-
Faeyette Trishia Baldestamon
“Wikang Filipino ay Ipagmalaki”
Wika ng Katarungan ay ating alaagaan,
Ito’y mahalin at panindigan,
Wag ikulong sa kadiliman,
Dapat ito ay ating parangalan.
Ito’y pinamana ng ating mga ninuno,
Para gamitin nating mga tao,
Hindi sa masama kundi sa tama,
Para wikang Filipino ay Malaya.
Sa Luzon, Visayas at Mindanao,
Wikang Filipino ay umiibabaw,
Dahil ay perlas ng pilipinas,
Wikang Filipino ay sambit-sambit bawat oras.
Wikang Filipino ay dala-dala,
Kahit saan man tayo pumunta,
Ito ay tama at hindi mali,
Kaya wikang Filipino ay ipagmalaki.
-
Kryzel Joy Necesito
Filipino,Aking Wika
Lupang aking pinagmulan
Pilipinas ang siyang pangalan
Hilaga,timog,silangan at kanluran
Wikang filipino ang siyang karunungan
Filipino ang aking wika
Ito na ang nakatadhana hindi pa man ako nililikha
Wikang aking ipagmamalaki
Kailan may hindi ako magsisisi
Wikang panghabang buhay
Ay bigay ng Diyos na aking taglay
Kailan may hindi magbabago
Pagkat ito’y mananatili sa puso ko
Filipino wika ng karunungan
Kailan may hindi ito mapapantayan
Wikang aking kinagisnan
Mananatili magpakailan man.
-
Juwina Bulaclac
Wikang Filipino
Mahirap nga bang simulan
Tulang sa isip gustong pakawalan
Para aa puso’y mapagsiksikan
Ang Wikang nais ipaglaban
Sinimulan ng ating mga ninuno
Itatatak sa utak kanilang tinuro
Palawakin nation at ipalago
Huwag mating ikahiya’t itago
Filipino, San man sa mundo
Binabahagi Wikang Filipino
Itinatak sa isip pati na sa puso
Kahit pa mundo’y gumuho
Wikang Filipino, nais ipagmalaki
Wikang Filipino, sa puso mananatili
Wikang Filipino, karunungan ang nababahagi
Wikang Filipino, sapat na, higit na
Huwag ng humanap ng iba
-
Jyzle Nebit
Wikang Aking Ipinagmamalaki
Saan man mapunta
Wika ko ay aking ipapakilala
Hindi ikakahiya
Kahit sino man sa mga banyaga
Sa puso ko wika ay may dalang karunungan
Dahil ito ang nagbibigay karangalan
wala man sa museo
Pero ito ay makakasaysayan
Wika na ginamit ng mga bayani
At ang wika na di ko kayang ikubli
Sa likod ng dilim
Wika ko ay may kahulugang malalim
At sa huli sana wag nyong itanggi
Wika natin ay talaga namang kawili wili
Yan ang wika na kaya kung ipagmalaki
Kahit na sa harap ng marami
-
Britney Claire Caspillo
Wikang Filipino at Ang Kabataan
Wikang Filipino ay dapat nating pahalagahan
Sapagkat ito ay sumisimbolo ng ating bayan
Ngunit ano na nga ba ang nangyayari ngayon?
Sinasambit na natin ang wika ng mga taga-ibang nasyon.
Ito ay namana pa natin sa ating mga ninuno
Dahil dito, karunungan ay natamo
Ating wika, ating pangalagaan
Huwag sana nating pabayaan.
kabataan sa ngayong henerasyon ay biglang nagbago
Mas marami pa silang kaalaman sa wika ng mga kano at mga koreano
Nanalaytay pa ba sa inyo ang dugong Pilipno?
Dahil sa totoo lang, Nagiging dayuhan na kayo sa sarili niyong teritoryo.
Asan na ang ating panata?
Na araw-araw nating pinanunumpa sa harap ng ating bandila
Dapat sa natin itong tuparin sa isip, salita at gawa
Ngunit ngayon, lahat na lamang puro salita.
-
Janna Jimenez
Basurang Tila
Naalala mo pa ba ang wikang iyong kinalakihan?
Wikang unang lingwahe na iyong natutunan?
Naalala mo pa ba kung pano mo ito unang nasambit?
At tila nauutal utal pa at pilit iginigiit.
Lumaki ka’t tila naging edukado
Englesero ang bansag ng halos lahat sayo
Komunikasyon sa iba,engles na lingwahe ang dala
Di pa nakuntento pati lingwahe ng ibang bansa
Sinasambit mo na’t pinagmamalaki pa
Edukado ngang naturingan
Wikang filipino nama’y kinalimutan
Ni isang beses may di masambit
At parang iniiwasang pilit
Di nawala ang wikang Filipino sayo
Sadyang nilamon na ng ibang lingwahe ang pagka edukado mo
Umalis ka’t nakisalamuha sa ibang tao
Ngunit ibig sabihin na ba nito’y dapat nang kalimutan at isantabi ng bahagya ang wikang kinagisnan mo?
Wikang kinalakihan, pinagpalit at kinaligtaan
Ito’y di nawala’t ni minsa’y di nagtangkang ika’y iwan
Ngunit anong kasalanan nito’t pilit iwinawala
Itatapon mo na ba ito bagkus para sayo’y ito’y basurang tila
-
Mil Patrick Nimez
Pangaral Ng Sariling Wika
Lakbayin ang kanluran
Libutin ang silangan,
At ang wika ay pag-aralan
Para ma’y dagdag kaalaman
Limutin ang ibang wika
At mahalin ang sariling wika,
Para bumunga ng kaganahan
Hanggang sa ibabaw ng kalangitan
Ibura ang nakasanayan
At baguhin ang kasaysayan,
Para sa magandang kinabukasan
At sa maligayang pagsasamahan
Ituro ang wika sa bata
Dala ang wika ng bansa
Upang hindi ito mawala
Kahit pumunta man sa hilaga
Pangalagaan kung anong meron tayo
Para iguhit sa dulo ng mundo,
Ipinagtanggol ng mga bayani
Upang kayamanan ay mapanatili
Komunikasyon ng Pilipino
Kinokumpleto ang buhay ng tao
Minahal ng buong puso
Ito ay wikang Filipino
Wikang Filipino, oo, wikang Filipino
Pagmamahalang punong-puno
Ito’y galing pa sa ninuno-ninuan,
At nagbibigay ng pangalan
Na dapat tularan.
-
John Marshall Lapat
Pluma ni Ama
Malalim ang
pinagmulan
Filipino, wika ng bayan
Mula sa nakaraan
Atin sanang alagaan
Wag natin kalimutan
Buhay pa kaya ang mga makata?
Baka naman tuluyan nang nawala
Dahil na rin sa iyong pangungutya
Ingles ang gamit sa halip na filipino
Baka naman maturingan kang amerikano
Noo’y filipino ang laging gamit
Ngayo’y ingles na ang sinasambit
Pilipino pa kaya ika’y ituring
Kung ang gamit ay lengguwahe ng matsing
Mas masahol ka pa sa lantang saging
Dapat ay mahalin natin
Sariling wika na atin
Tagalog, ilonggo, bisaya
Isama mo pa ang muslim at tiruray
Sama-sama natin isabuhay
Wikang filipino’y wag takbuhan
Atin sanang ipangalandakan
Mga banyaga nagiging tulala
Sa ganda’t talino ng pilipino
Dala ng lahing totoo
Wika ng karunungan
Filipino, atin ipagsigawan
Luzon, Visayas at Mindanao
Nawa’y atin matanaw
Pag-unlad atin isigaw
Lahat ng ito’y aking isinulat
Gamit ang lumang pluma ni ama
Mga mata niyo ay idilat
Basahin itong aking ginawa
Damdamin ang bawat kataga
-
Clare John Devalgue
Wika Ang Siyang Tangi, Sa Puso Nati’y Minimithi
Wikang Filipino’y taglay ang talino
Bukas kaylan may kung saan ka papatungo
Sa iyong landas ikaw ay hatid nito
Dala ang aral ng pagka-pilipino
Ngunit ngayo’y tingnan mo, Anong nangyari?
Ibang banyaga na ang gamit ni pare
Nag-aaral sa pag-ingles si kumare
Ano na lang kaya sa’tin ang mangyari…
Tayo na Pilipino magsama-sama
Isigaw ang wika mo na siyang tala
Ipagmalaki at huwag ikahiya
Sa atin ay kaakibat, ang s’yang wika
Wika sa’tin ang s’yang natatanging lakas
Na s’yang sandata sa buong Pilipinas
Kahit may malakas na bagyo hahampas
Sa puso’y itatak ang wika ng perlas
Wikang Filipino’y dapat na gamitin
Ipagmalaki’t ganap na mahalin
Sa puso at sa isip ating yakapin
Nang may saysay ang wikang gamit natin
Kahit man mamatay ako’y maligaya
Pagkat piling ko ang sinisintang wika
Na sa lahat ng problema’y nanging kasangga
Sa lahat ng pag-ibig siya’y aking luha
-
Nikka Sanz
Wika Ng Pagkakaisa
Sa bansang Pilipinas
Kaunlaran,Kapayapaan ang nais
Pero dahil sa mga pamahalaang wais
Mga kaguluhan ay labis labis
May wika tayo upang magkaisa
Para gawin ang tama
May karunungan tayo sa bansa
Gawin sana natin ng kusa
Para sa pagpapaunlad ng bansa na hindi humantong sa wala
Karunungang taglay
Dapat nating isabuhay
Upang maging tulay
Sa minimithing tagumpay
Gamiting tatak sa ating utak
Upang di mawasak
Ang bansang tinatag
Na ang wika ang nagpapakatatag
Para di sa kangkongan ang bagsak.
-
Berico
Wikang Maharlika
Wikang kinalakhan
Atin itong ‘wag kalimutan
Wikang ugat ng karunungan
Filipino ang pangalan.
Wika ng mga banyaga,
Akala nila’y wika ng mga mariwasa
Wikang Filipino tinuturing na wika ng mga dukha
Huwag ipagpalit ang ating kinagisnan sa mga bagay-bagay na pag-aari ng sino man.
Hindi tayo isinilang upang ikahiya ang sariling atin,
Dapat natin itong pagyamanin upang tayo’y di alipustain,
Ng mga taong walang pakiramdam sa ating mga damdamin.
Karunungan! Iyan ang ating kailangan,
Karapatan nating matutunan ang wikang maraming nilalaman,
Wikang hindi pwedeng tapak-tapakan ng kahit na sino man,
Wikang FILIPINO, wikang pang-mayaman.
Wikang mayaman sa kaalaman.
-
Princess Alleyah Kampang
Minahal nga ba natin ang wika?
Sa panahon ngayon marami
Nang nilimot ang ating wika
Pagbigkas ay maraming kamalian
Maraming nag Iingles at parang
Ginawang pangalawang wika
Ang wikang pilipino na dapat ay Una
Maraming nahasa sa wikang di atin
Minsan pa nga pikikipagusap at iba ibang lenguahe
Pagmamahal nito at nawawala
Kulturang atin
Minsan di alam
Kailan ba natin
Itoy muling tangkiliin?
Muli na natin itong mamahalin?
Sa buhay na natin itoy may halaga?
Aminin natin lagi natin to ginagamit
Kaso halos may halong ingles
Maraming nahibang sa ingles naiyan!
Hiling ko sanay itoy muli mating mahalin tulad ng dati.
-
Romnick T. Saripada
G. Manul 