ibulong mo sa hangin mahal!

Ibulong mo sa hangin o aking mahal
ang yong sinasamo sa ating maykapal
saka kung matupad ay iyong itanghal
at pasalamatan ang kaylaking tagumpay.

Sa iyong pagbulong tiyakin mo lamang
kung saan patungo ang hanging hahagkan
sapagkat kung hindi, may pagsisisihan
ang ‘yong pusong maliligaw na tuluyan.

Ibulong mo sa hangi’t ulit-ulitin
ang ‘yong kahilingang ninanais kamtin
saka kung matupad at iyong maangkin
pag-ibig ko naman ang iyong hilingin.