BUHAY Pa Ako, Kaibigan

Buhay pa ako, aking kaibigan
Kahit matagal nang di ako nagparamdam
Pasensya na’t nagapi ako ng isang kalaban
O kaylupit niya, “sakit” ang pangalan

Oo, buhay pa ako’t ngayo’y tumutula
gaya ng gawain ko sa simula pa’t simula
Kahit nagapi man ako at minsang humina
Di ko naman nalimot na ang mundo’y isang tugma.

Katugma ng buhay ko yaring pait at dusa
Na ayon sa iilan, ang mga ito’y pampalasa
Ngunit kung iisipin sa taludtod at saknong pa
Katugma pa rin natin ang tuwa at ligaya.

Buhay Pa Ako, Kaibigan, Buhay Pa Ako
Taglay ko pa ang lakas na mabuhay sa mundo
Buhay Pa Ako, Kaibigan, Buhay Pa Ako
Tutula Akong muli, Halika, Tumula Tayo…

Advertisements