paghihintay sa pag-ibig (tula para sa aking sinisintang si HEA-FJC) sinulat ni: marvs

isang paruparo ang minsang naglakbay
dala ang galak na walang kapantay
sa daang binagtas merong nakasabay-
isang bubuyog na masayang tunay

sa gilid niyong daang makitid
isang bulaklak ang tila sumisilip
bulaklak na maganda,bulaklak ng pag-ibig
na sa dalawang manlalakbay talagang nakaakit.

ang bubuyog ay siyang agad na lumapit
sa bulaklak dumapo at biglang humalik.
ang bulaklak ay umiling at tila ang sinambit
“ayaw ko sa iyo manliligaw na pangit.”

at ang bubuyog ay lubhang nasaktan
pumatak ang luha, umalis na tuluyan
at ang paruparong sa tabi’y nag-aabang
lumapit sa bulaklak, lumuhod sa harapan.

ang bulaklak nama’y nabihag na agad
ang kaninang ayaw ngayo’y bumaligtad.
sa kisig ng paruparo’t sa makukulay na pakpak
tila karangyaan ay kanya nang nahanap.

“iniibig kita mutya kong giliw
at sana ako’y iniibig mo rin.
kung ang mahalin ka ay pasakit sa akin,
hayaan mong masaktan ang aking damdamin.

ang bulaklak ay ngumiti saka nagwika
“ngayon di ko tutumbasan ang iyong paghanga
pagkat ako’y umibig na at minsang lumuha
dahil sa labis akong nagtiwala.”

ang paruparo’y yumuko saka tumalikod.
ang makukulay na pakpak,pinadilim ng lungkot
mabilis na umalis, walang lingon-likod
at ang puso’y pinigil na yata sa pagtibok.

lumipas ang ilang araw, di na nagbalik
ang bubuyog at paruparong nagdanas ng sakit
pagkat ang bulaklak na inakala nilang matamis,
nang kanilang tikman ay saksakan ng pait.

ang bulaklak ay nalungkot, lubhang nalumbay
pagkat sa ganda niya’y wala nang tumatanaw.
walang ano-ano’y may tagabukid na dumaan;
tumigil sa bulaklak,inamoy,hinagkan.

“kung ikaw ay mutyang para sa akin,
kahit sa panaginip akin kang susuyuin.
alam kong ika’y lilipas at lilisan din
ngunit ako’y maghihintay sa muli mong pagdating.”

maya-maya pa ang bulaklak ay nalanta.
nahulog ang talulot, pumangit,tumanda.
ang tagabukid naman na nangungulila,
araw-araw tumutungo sa sinubulan ng mutya.

at isang araw muling namukadkad
bulaklak na maputi ,humahalimuyak
ang tagabukid na sa labis na galak,
tumulo ang luha at tuluyang napaiyak…

walang ano-ano ay naging dalaga
ang bulaklak naging babaeng napakaganda
lumapit sa tagabukid,ang mukha ay sumaya
saka nagtungo sa simbahan ang dalawa.

2 thoughts on “paghihintay sa pag-ibig (tula para sa aking sinisintang si HEA-FJC) sinulat ni: marvs

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s