kalayaan…
kalayaan?
kalayaan!
pangungusap
pagtatanong
pagdaramdam
kalayaa’y tunay na bang nakamtan?
oo
hindi
ewan
katanungang di masagot ng isa pang katanungan
at
kasagutang di sumasagot sa katanungan..
kalayaan sa kahapon
ay kalayaan sa nakaraan
at kalayaan sa kasaysayan
ngunit nakadikit sa kalayaan ngayon
at kalayaan sa darating na panahon
subalit
kalayaan nga ba
ang kalayaang di maunawa
at di mapagtanto
at di maisip kung ano
at di malaman kung totoo?
kalayaang parang hangin
na nagpapagalaw sa bandilang nakatirik
sa katindihan ng init
ng nagngingitngit na araw…
kalayaang parang Jose Rizal sa piso
na ginugunita kung kailangan
at minsa’y nawawala
at minsa’y saan lang napupunta.
kalayaang parang papel
na walang marka at bahid ng tinta
subalit di mahagilap ang kahulugan
pagkat walang bakas na mauunawaan.
kalayaan..
kalayaan…
kalayaang di tiyak…
kalayaang di mahagilap
anong klaseng kalayaan ba ang iyo
at akin
at kanilang tinatamasa???
G. Manul 
tila may bahid ng pagtataka at tanikala, tanikala sa kabila ng kalayaang tinatamasa na taon-taong pinagdiriwang. paano nga ba makakamit ang lubusang kalayaan?
sa palagay ko’y hindi masasagot iyan ng kasalukuyang panahon…..bagaman ang pag-asa at paghahangad nito ay siyang daan upang tunay nga itong makamtan….mahirap nga—–????>>>>
Anong klaseng kalayaan ba ang ating tinatamasa?
I don’t know how else to put it but I think we have “regulated” freedom…
Yun ay ayon lamang sa aking palagay, G. Manul
Kakaisip tuloy ay di ako mapalagay….
ako ma’y nahihirapang sagutin ang katanungang aking ibinato…..sukdulan bang lumilitaw ang mga talinhagang iilan lang ang napupunan ng kasagutan….
Kalayaan! Kalayaan na ramdam ko naman, pero parang hindi na masyadong pinahahalagahan ng bansa. Kalayaan! Hehe.
napansin ko rin, para bang hanggang sa mga pagsasadula lang ng mga makasaysayang pangyayari ang nagiging simbolo ng kalayaan….